منوی ناوبری برگه ها

پورتال تحلیلی اجتماعی، فرهنگی، ادبی و سرگرمی شهر خوی به دو زبان ترکی و فارسی مطالب خود را منتشر می کند.

تانیشلاتماق : قیزیل چیر شلاله سی

تانیشلاتماق : قیزیل چیر شلاله سی

خوی کیدز – باتی آذربایجان، گؤزل ایرانیمیزین، آذربایجان بؤلگه سینده یقینن تایسیز بیر ال دیمز طبیعتینه صاحیب دیر.

اوستانیمیزین قوزئی دن، گؤنئیینه کیمی یام- یاشیل باغلار و گؤیچک داغلار سیرالانیب لار. بو اوجا داغلارین شلاله لری اولاندا ایسه، دوغا (طبیعت) داها گؤزللـه نیر.

اوستانیمیزین گؤزل شهرلریندن بیری اولان، خوی شهرینده «قیزیل چیر» آدلی بیر شلاله 

ده بو گؤزللیک لردن بیریدیر. «قیزیل چیر» خویون ۳۵ کیلومئترلیگینده و «بدلان» کندینین ۱۰ کیلومئترلیگینده اورین داغینین اته گینده یئرله شیب دیر. مین لرجه گزیجی (توریست) ، بو یئری گؤرمک اوچون هر ایل بو بؤلگه یه گلیرلر. شلاله ده سویون تؤکولمه سینین اوجالیغی، سویون گوجو، اورگی آچان هاوا و تایسیز بیر دوغا بو شلاله نین اؤزللیک لریندن دیر. قوللوق ائتمک و رفاهی ایمکانلاری چوخاتماق ایله یوزده- یوز دونیانین هر یانیندان بورا قوناق گله جکدیر. بئلنچی طبیعتین حسرتین چکن چوخلو یئرلر واردیر و بیزیم طبیعت ده بئله گزملی یئرلریمیز چ

وخدور و قدرین بیلمه لیییک.

ایندیکی دورومدا گزه گنلیک (گردشگری) دونیاین ان چوخ گلیر گتیرن صنعت لریندن بیریدیر. بیزده اؤلکه میز ایرانین خصوصن یام- یاشیل آذربایجانین بیر بؤلگه سی اولان باتی آذربایجان، اوچ اؤلکه ایله قونشو اولدوغوندان فایدالاناراق گزیجی لری اؤز منطقه میزه چکه بیله ریک. بو یولدادا مسئوللار و کوتله میز ال- اله وئریب، دیرلی‌آددیم لار آتمالیدیرلار.

بو موضوع دا، خوی شهرینده اولان «قیزیل چیر» شلاله سینین مهم یئری اولا بیلر. شلاله نین گؤزللیک لریندن نه قدر دئسک آز دئمیشیک. سیز عزیز اوخوجولاریمیزیدا بو گؤزل شلاله نین باخماسینا دعوت ائدیریک و اینانیریق بو شلاله نین تانینماسیندا سیزلرده چالیشاجاقسینیز.قایناق : بیلیم سسی
یازار: حسین واحدی
468 ad

یک نظر بدهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

خوی کیدز سیز ایله بیرلیکده
خوی کیــــــــــدز همراه شما

Social Media Auto Publish Powered By : XYZScripts.com