منوی ناوبری برگه ها

پورتال تحلیلی اجتماعی، فرهنگی، ادبی و سرگرمی شهر خوی به دو زبان ترکی و فارسی مطالب خود را منتشر می کند.

بیزیم تورکی/ علیرضا صرافی

بیزیم تورکی/ علیرضا صرافی

خوی کیدز: دیلیمیزین آدی حقینده …

بیزیم تورکی

بوگونه قدر دیلیمیز مختلف آدلارلا تانینیب او جمله‌دن: تورکجه، تورکو، تورکی، مسلمانجا، عجم تورکوسو، آذربایجان تورکجه‌سی، آذربایجانجا، آذری تورکجه‌سی، آذریجه، آذری
بونلارین ایچینده بعضی سیاسی ملاحظه‌لر ده وار، خصوصیله سون دؤرد آد معین ایدئولوژی و سیاسی دوشونجه نین ده تاثیراتیندا قیراقدا دئییل دیلر.
آما قالان آدلار هم قدیملردن بری، هم ده سیاستلردن اوزاق آدلاندیرما و واقتیله ده یایغین آدلار ساییلیر. اونلاردان ان یایغینی “تورکو” یا “تورکی”دی.
بیلیرسینیز، بوگونه قدر دیلیمیز مختلف آدلارلا تانینیب او جمله‌دن: تورکجه، تورکو، تورکی، مسلمانجا، عجم تورکوسو، آذربایجان تورکجه‌سی، آذربایجانجا، آذریجه ، آذری. آما بوتون بونلارین ایچینده عادی خلق طرفیندن ایشلدیلن ان یایغین ادلاندیرما هانسیدیر؟
اجازه وئرین بیر شخصی خاطیره می سیزینله پایلاشیم:
۱۹۹۸- ده تورک دیل قورومو باشقانی “پروفسور احمد بئجان ارجیلاسون”لا گؤروشدوگومده، او ایرانا سون سفریندن آلدیغی تاثراتی بیلدیررکن دئدی:
– تهراندان بازرگانا قدر هرکسدن خبرلشدیک نه دیلده دانیشیرسان دئدی: “تورکو” دانیشیریق و تاکید ائتدی کیمسه دیلینه “تورکجه” دئییل، هامی “تورکو” دئییردی.
اصلینده ائله قدیمدن باشلایاراق بوگونه کیمی ده آذربایجاندا هر کیمدن سوروشسانیز:- نه دیلده دانیشیرسان؟ “- من تورکو دانیشیرام- دییه جواب وئرر، من شخصا آنجاق بئله ائشیتمیشم، آما سون زامانلار عموما گنجلریمیز آراسیندا “تورکجه” آدی دا آرا-سیرا دئییلمکده‌دیر.
سؤزومه قوت اولاراق هم کلاسیک، هم معاصر ، هم عاشیق ادبیاتیمیزدان ائله جه ده خلق ادبیاتیندان مثال وورمالییام.
شهریار دئییر:
– “تورکی” دئدیم اوخوسونلار اؤزلری، حالبوکی “تورکجه” دئدیم اوخوسونلار اؤزلری- ده دئسه ایمیش شعرین وزنی ابدا پوزولمازدی. آشاغیداکی میثاللاردا دا عینی کلمه ایشلنیر.
معجز دئییر:
دیلیم “تورکی”، سؤزوم ساده، اؤزوم صهبایه دلداده
منیم تک شاعرین کاساد اولار البته بازاری
صابر دئییر:
اینتلیجنتیک بو کی بهتان دئییل
” تورکی” دانیشماق بیزه شایان دئییل
“تورکی” دیلی قابل عرفان دئییل
بیز بونا قائل اولان انسانلاریق
آی برک‌آللاه نه گؤزل جانلاریق!
عاشیق عباس توفارقانلی دئییر:
نامرد ایلن گل اولما سن آشینا
بیر گون اولار زهر قاتار آشینا
عاباس دئیر سالیم شاهین باشینا
عربی حجر، فارسی سنگدی، “تورکی” داش
دئییملره گلینجه، مرکب بیر سؤزو داها راحات افاده ایله ایضاح ائدنده دئییریک: “تورکوسو” مثلا بئله اولار ….
البته بونا تای چوخلو میثال خلق ادبیاتی و کلاسیک ادبیاتیمیزدان گتیرمک اولار کی اورادا دیلیمیز ساده‌جه “تورکی” آدلاندیریلیب.

بیزیم تورکی

468 ad

یک نظر

  1. با سلام.درصورت امکان این خبر رادر سایتتان درج فرمایید
    کانال رسمی خبری بخش صفاییه در تلگرام راه اندازی شد
    http://telegram.me/safayiee

یک نظر بدهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

خوی کیدز سیز ایله بیرلیکده
خوی کیــــــــــدز همراه شما

Social Media Auto Publish Powered By : XYZScripts.com