منوی ناوبری برگه ها

پورتال تحلیلی اجتماعی، فرهنگی، ادبی و سرگرمی شهر خوی به دو زبان ترکی و فارسی مطالب خود را منتشر می کند.

سوتلانا الکسیویچ نوبل ادبیات اؤدولونو آلدی!

سوتلانا الکسیویچ نوبل ادبیات اؤدولونو آلدی!

خوی کیدز: نوبل ادبیات اؤدولونو سوتلانا الکسیویچ آلدی

سوئد آکادئمیسی ۲۰۱۵ نوبل ادبیات اؤدولونو، بئلاروسلو قزئته‌جیسوتلانا الکسیویچ‌ ین قازاندیغینی آچیقلادی. نوبل ادبیات اؤدولونو سوتلانا الکسیویچ‌ (Svetlana Alexievich) آلدی.

بئلاروسلو، آراشدیرماچی قزئته‌چی و یازار « سوتلانا الکسیویچ » بیر نئچه آدای آراسیندا بو ایلین ادبیات بؤلومونده نوبل اؤدولونو قازاندی. آدی کئچن اوبیری یازارلار ایسه ژاپون “هاروکی موراکامی”، کئنیالی “نگوگی وا تیونگ”و ایله آمئریکالی یازارلاری “فیلیپ روث” و “ژویس کارول اوآتئس” اولاراق سیرالانمیشدی.

آکادمی’نین باشقانی سارا دانیوس آچیقلاماسیندا، ” سوتلانا الکسیویچ‌ “ین چالیشمالاری، گونوموز دونیاسیندا نئچه‌سسلی‌لییین راویسی اولاراق، چتینلیک (اذیت) و جسارتین آنیتی‌دیر” دئدی. ۳۱ مئی ۱۹۴۸ دوغوملوسو اولان، ۶۷ یاشیندا یازار، اون دؤردونجو نوبل اؤدولونو قازانان‌ قادین‌دیر. چرنوبیل‌دن سس‌لر اونون أن آدلیم اثری ساییلیر.

سوتلانا الکسیویچ نئچه قیسا اؤیکو، بیلیم‌سل یازی (مقاله) و راپور (گزارش) یازیب‌دیر آنجاق آلدیغی بو اؤدول اؤزل ژانر-دا یازدیغی، اینسانلارین اؤز دیلیندن سؤیله‌دیک‌لری ریوایت‌لره گؤره‌دیر. بو ژانردا اوندان اؤنجه برتراند راسل و وینیستون چئرچیل بو اؤدولو قازانمیش‌دیلار. بو تورده یازیلان اثرلره “جمعی رومان” یا “بلگه‌لی رومان” دئییلیر.
سوتلانا الکسیویچ‌ ین آدلیم اثرلریندن چرنوبیل‌دن سس‌لر، نووه فلاکتی‌نین سؤزلو تاریخی، نازی ایشغالیندا سووئت قادینلار، اؤلوم افسون‌لاری کیمی کیتابلارینا توخونماق اولار.

نوبل ادبیات اؤدولو ۱۹۰۱ میلادی ایلیندن ایندیه‌دک، ۱۰۶ دفعه، ۱۱۱ یازارا سونولوب‌‍دور.

قایناق: بیلیم سسی

468 ad

یک نظر بدهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

خوی کیدز سیز ایله بیرلیکده
خوی کیــــــــــدز همراه شما

Social Media Auto Publish Powered By : XYZScripts.com