منوی ناوبری برگه ها

پورتال تحلیلی اجتماعی، فرهنگی، ادبی و سرگرمی شهر خوی به دو زبان ترکی و فارسی مطالب خود را منتشر می کند.

فولکلور نه‌دیر؟ سوسن نواده‌ رضی

فولکلور نه‌دیر؟ سوسن نواده‌ رضی

خوی کیدز: فولکلور نه‌دیر؟

فولکلور(خالق‌بیلیم، ائل بیلیمی) بیلیمین بیر شاخه‌سی‌دیر ، بیر اؤلکه‌ده یاشایان خالقین کولتور اورون‌لرینی (تولیدات فرهنگی)، گله‌نک‌لری، تؤره‌لری، اینانج‌لاری، موسیقیسی، رقصی، اویون‌لاری، دئییم‌لری، ناغیل‌لاری، گئییم‌لری، خالق درما‌ن‌لاری کیمی فعالیت و محصول‌لاری اینجه‌لیه‌رک بیر-بیرلری‌ ایله ایلیشکی‌لرینی بئلیرله‌ییر (معین ائدر)؛ اونلارین قایناق، ائوریم، یاییلیم، ایله‌تیشیم، ده‌ییشیم مسئله‌لرینی اؤزونه مخصوص یؤنتم‌لرله حل ائدیر و سونوج، قورال، یاسا و قورام‌لاری تاپماغا چالیشیر.

فولکلور، خالقا عاید اولان فرهنگی عنصرلرین بوتونونو ایچینه آلیر. خالقین مالی اولموش، قایناق اولاراق کیشیسل اولسا بیله، چوخونلوقلا سؤزلو اولاراق قوشاقدان- قوشاغا کئچن و بو کئچیش سیراسیندا یئنی قوشول‌لارا گؤره ده‌ییشیمه اوغرایان ادبیات اورونلری، خالق دستانلاری، ماثاللاری، تورکولری، تاپماجالار، گولمجه‌لر، تمثیلی سؤزلر، تکرلمه‌لر، یاشام و دوغا اولای‌لارینا ایلیشکین اینانج‌لار و بونا بنزر بیر چوخ کولتورل اورونو قاپسار.

فولکلور بوتون خالق کولتورونون تمامینی قاپسار.

فولکلورون فایدالاری و اؤزل‌لیکلری

۱- بیرئیلرین دوغایا و توپلوما اویمالارینی ساغلار. فولکلور ایله بیرئی نه‌ییین نه تهر بیرئی‌لرله قوروملارلا نئجه ایلیشکی قوراجاغینی اؤیره نیر.

۲- توپلومداکی مادی و معنوی د‌یرلری بوتونلشدیررک کولتوروموزو قوشاقدان قوشاغا داشیر.

۳- فولکلور توپلومدان توپلوما ده‌ییشیر

۴- فولکلور توپلوملارین د‌یر سیستمینی یانسیدیر. فولکلور عینی توپلوم ایچینده سوسیال یاپی ایله اویوم گؤستریر.

 

468 ad

یک نظر بدهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

خوی کیدز سیز ایله بیرلیکده
خوی کیــــــــــدز همراه شما

Social Media Auto Publish Powered By : XYZScripts.com